११ श्रावण २०८३, सोमबार ०९:३६
भरतपुर/रोटरी क्लव अफ चितवनको आयोजनामा आइतबार बुलिङटार ४ बोझापोखरीमा तीनवटा कार्यक्रम सम्पन्न भएका छन् । विभिन्न कार्यक्रम अन्तरगत बुलिङटार ४ स्थित श्री तीनकन्या आधारभूत विद्यालयमा अध्यायनरत ५५ जना विद्यार्थीहरुको मुटु परीक्षण गरिएको थियो भने विद्यार्थीहरुलाई स्टेशनरी तथा खेलकुदका सामाग्री वितरण गरिएको थियो । सो विद्यालयमा ५५ जना विद्यार्थीमध्ये ५३ जना मगर र २ जना ब्राम्हण समुदायका विद्यार्थी रहेको विद्यालयका सहायक प्रधानाध्यापक देउरुपा पाण्डेले जानकारी दिनु भयो ।
रोटरी क्लव अफ चितवन अन्तरगत पुन नारायण उजेलीदेवी कार्डियो केयर सेन्टरको आयोजनामा भएको निशुल्क मुटु परीक्षण कार्यक्रममा चितवन मेडिकल कलेजमा कार्यरत डा. अजित कुमार मिश्र र डा. रवि रोकायाले विद्यार्थीहरुको मुटु परीक्षण गर्नु भएको थियो । उक्त कार्यक्रम पश्चात सोहि क्षेत्रमा १ हजार वटा कफिका विरुवा रोपिएको थियो ।
क्लवका अध्यक्ष गेहेन्द्रमान श्रेष्ठको अध्यक्षतामा सम्पन्न कार्यक्रममा बुलिङद्धार ४ का वडा अध्यक्ष मिन बहादुर आले प्रमुख अतिथि रहनु भएको थियो । कार्यक्रममा रोटरी क्लव अफ चितवनका आरसिसी चियर रुविन रामुदामुले स्वागत मन्तव्य व्यक्त गर्नु भएको थियो भने पुर्व अध्यक्ष उत्तमलाल चुकेले कार्यक्रमको उदेश्य र रोटरी क्लवको वारेमा जानकारी गराउनु भएको थियो । कार्यक्रमको सञ्चालन क्लबका सचिव रोशन खरेलले गर्नु भएको थियो ।
उद्घाटन कार्यक्रममा बोल्दै प्रमुख अतिथि आलेले रोटरीलाई अन्तराष्ट्रिय सामाजिक संस्थाको बारेमा चर्चा गर्दै चितवन रोटरी क्लवको प्रशंसा गर्नु भयो । चितवन रोटरी क्लवको सहयोगले यस क्षेत्रको आर्थिक, सामाजिक तथा सास्कृतिक विकासमा महत्वपुर्ण टेवा पुगेको वताउनु भयो ।
कार्यक्रममा बोल्दै तीनकन्या आधारभूत विद्यालयका प्रधानाध्यापक खुमराज सुस्लिङले रोटरी क्लव अफ चितवनको सहयोगले विद्यालयका अध्यायनरत विद्यार्थीको शैक्षिक गुणस्तर विकासमा योगदान पुग्ने विश्वास व्यक्त गर्नु भयो । कार्यक्रममा रोटरी क्लव अफ चितवनका पुर्व अध्यक्षहरु रोशन पिया, ज्ञानेन्द्रमान शाक्य, दिपक प्रधान, भानु शर्मा, कार्यसमितिका निर्वाचित अध्यक्ष राजन पिया, उपाध्यक्ष शांग्रीला पिया, पुरूषोत्तम रीजाल, कोषाध्यक्ष योगिता पिया, सहसचिव कबिता चुके, क्लब एडमिन. चेयर ई. प्रदीप भट्टाराई, सर्विस प्रोजेक्ट चेयर ई. गुणेश्वर महतो, सार्जेंट ऐट आर्म जनक कुमार ढकाल, सदस्यहरु ज्ञानेन्द्र श्रेष्ठ, यज्ञ पौडेल, स्पाउस रोशनी प्रधान लगायतको सहभागिता रहेको थियो ।
देशब्यापी बृक्षरोपण गर्ने रोटरी डिष्ट्रिक ३२९२ को अभियान अन्तर्गत चितवन रोटरी क्लबले पनि सो क्षेत्रमा कफीका बिरुवाहरू रोपी समग्र गाँउको आर्थिक उपार्जनमा टेवा पुराउने उद्देश्यले कफिका विरुवा रोपिएको रोटरी क्लव अफ चितवनका अध्यक्ष श्रेष्ठले जानकारी दिनु भयो । अध्यक्ष श्रेष्ठले रोटरी क्लब चितवनले यस गाउँलाई रोटरी कम्युनिटी क्लब्स अन्तरगत राखेर आर्थिक, शैक्षिक, खानेपानी, तथा स्वास्थ्य जस्ता विभिन्न क्षेत्रमा देखिने काम गरिरहेको बताउनुभयो । सो गाउँपालिकामा चितवन रोटरी क्लबले ग्लोबल ग्रान्ट अन्तर्गत त्यहाँका सम्पूर्ण घरहरूमा स्वच्छ पिउने पानी पु¥याउने गरी खानेपानी आयोजना निर्माणधीन छ, यसको संयोजन क्लबका सर्भिस प्रोजेक्ट चेयर ई. गूनेश्वर महतोले गर्नु भएको छ ।
प्रतिकृया दिनुहोस्