भरतपुर/नेपाल हृदयरोग निवारण प्रतिष्ठानको २६ औं सधारण सभा संस्थाका सभापति लिलाराज खरेलको सभापतित्व तथा भरतपुर महानगरपालिका वडानं १ का वडा अध्यक्ष केशव महर्जनको प्रमुख आतिथ्यतामा सम्पन्न भएको छ । सो अवसरमा प्रमुख अतिथि केशव महर्जनले संस्थाले मुटु रोग सम्बन्धमा गरेको जनचेतना मुलक कार्यक्रम र बालबालिकाको मुटु बचाउ अभियान प्रभावकारिता रहेको र मानव अंगको महत्त्वपूर्ण मुटु जस्तो अंगलाइ बचाउने अभियानमा संस्था सदा क्रियाशिल रहनेछ भन्ने आशा एवम विश्वास राख्दै यसमा स्थानिय सरकारबाट गर्नु पर्ने सहयोगमा आफ्नो पनि सहयोग रहने विचार व्यक्त गर्दै कार्यक्रम सफलताको शुभकामना दिनु भएको थियो ।
सो अवसरमा बिशिष्ट अतिथि केन्द्रीय सदस्य एवम बागमती प्रदेश संयोजक भोजराज कौडेल, पुर्व अध्यक्ष केशव कुमार श्रेष्ठ, चितवन उवासंघका अध्यक्ष चिरञ्जीवी सुवेदी लगायतले संस्थाको गतिविधिका वारेमा मन्तव्य राख्नु भएको थियो भने सभामा सचिव तथा कोषाध्यक्षले पेश गरेको आ.ब २०८२/८३ को प्रगति प्रतिवेदन र आर्थिक प्रतिवेदन तथा आगामी बर्षको लागि कार्यक्रम तथा बजेट पारित गरिएको थियो ।


प्रतिकृया दिनुहोस्