अटोमोवाईल्स एशोसिएसन र साकोसको पारिवारिक बनभोज कार्यक्रम सम्पन्न

---

सन्तोष देवकोटा
भरतपुर/चितवन अटोमोवाईल्स एशोसिएसन र अटोमोवाईल्स वचत तथा ऋण सहकारी संस्था लि द्वारा संयुक्त रुपमा आयोजित वृहत पारिवारिक वनभोज कार्यक्रम शनिबार रत्ननगर ९ स्थित मिलिजुलि सामुदायिक वनको वनभोज स्थलमा सम्पन्न भएको छ । दुवै संस्थाका अध्यक्षद्वय मोहन केसी र कृष्ण प्रसाद काफ्लेको अध्यक्षता सम्पन्न कार्यक्रममा अटोमोवाईल्स साकोसका संस्थापक अध्यक्ष भिमलाल न्युरे प्रमुख आतिथि रहनु भएको थियो । कार्यक्रमा चितवन उद्योग वाणिज्य संघका उपाध्यक्ष राजन पिया विशेष अतिथि रहनु भएको सो कार्यक्रममा चितवन उद्योग वाणिज्य संघका कार्यसमिति सदस्य सुनिता लिगल कर्माचार्य, चितवन अटोमेकानिकल व्यवसायी संघका अध्यक्ष योगराज ढकाल, चितवन अटोमोवाईल्स डिलर एशोसिएसनका अध्यक्ष ईन्द्र प्रसाद रेग्मी, अटोमेकानिकल साकोसका अध्यक्ष प्रेम प्रसाद पाण्डे, संस्थाका पुर्व अध्यक्षहरु महसुर पिया, अमृत जोशी, कृष्ण प्रसाद भण्डारी, सल्लाहकारद्वय कृष्ण कुमार तिवारी, भिम प्रसाद सुवेदी, दुवै संस्थाका कार्यसमिति पदाधिकारि तथा संचालक सदस्यहरु, साकोसका व्यवस्थापक मुक्ति घिमिरे, संस्थाका कार्यालय सचिव नारायण सुवेदी दुवै संस्थाका सदस्य तथा एकाघरका परिवार सहित १९० जना भन्दा वढिको सहभागिता रहेको थियो ।
संस्थाका अध्यक्ष मोहन केसीले स्वागत मन्तव्य राख्नु भएको कार्यक्रममा चितवन अटोमोवाईल्स डिलर एशोसिएसनका नवनिर्वाचित कार्यसमितिलाई वधाई तथा सम्मान कार्यक्रम सम्पन्न गरिएको थियो । संस्थाका सचिव पुर्णभद्र सापकोटाले संचालन गर्नु भएको कार्यक्रममा उपस्थित हुनुहुनेहरुलाई मनकामना हस्पिटल, भरतपुरको सहजिकरणमा निशुल्क मधुमेह परिक्षण गरिएको थियो भने म्युजिकल चियर, लक्कि ड्र उपहार साथै सांगितिक कार्यक्रम भएको थियो । संस्थाका कोषाध्यक्ष किरण सापकोटा कार्यक्रम संयोजक रहनु भएको उक्त कार्यक्रम अटोमोवाईल्स साकोसका अध्यक्ष कृष्ण प्रसाद काफ्लेले धन्यवाद ज्ञापन सहित समापन गर्नु भएको थियो ।