होटल व्यवसायी महासंघ नेपालको चितवनमा फागु कार्यक्रम

---

भरतपुर/देशभरका होटल व्यवसायीहरुको छाता संस्थाको रुपमा स्थापित होटल व्यवसायी महासंघ नेपालले होली मिलन कार्यक्रम महासंघका केन्द्रिय अध्यक्ष दिनेश कुमार चुकेको उपस्थितिमा ५ वटा होटल संघहरु बीच नारायणगढ स्थित होटल गङोत्री प्रा. लि.मा सम्पन्न गरेको छ । तनहुँ होटल व्यवसायी संघ, होटल व्यवसायी संघ चितवन, मुकुन्दसेन मौलाकालिका होटल व्यवसायी संघ, देबचुली होटल व्यवसायी संघ, नवलपुर होटल व्यवसायी संघ र होटल व्यवसायी महासंघ बीच आत्मियता, भाइचारा र समन्यवयात्मक वातावरण निर्माण गर्न फागु कार्यक्रम गरिएको होटल व्यवसायी महासंघका केन्द्रिय अध्यक्ष दिनेश कुमार चुकेले जानकारी दिनु भयो ।
उक्त कार्याक्रममा अध्यक्ष चुकेले सबै अध्यक्षहरु, पदाधिकारीहरु इकाइ अध्यक्षहरुलाइ विभिन्न रङहरुको अबिर लगाएर शुभारम्भ गरि एक आपसमा रङ लागएर सुस्वास्थ र समृद्धिको शुभकामना आदान प्रदान गरिएको थियो । महासंघका केन्द्रिय सल्लाहकार रामप्रसाद सुबेदी, केन्द्रिय सदस्यहरु दिलकुमार श्रेष्ठ, प्रेम श्रेष्ठ, शुरेस पाण्डे, गण्डकी प्रदेश होटल ब्यबशायी संघको उपाध्यक्ष दुर्गा बिलास भट्टराई, हाटल व्यवसायी संघ चितवनका अध्यक्ष ऋषिकेश अर्याल, तनहुँ होटल व्यवसायी संघका अध्यक्ष गिरबहादुर थापा, नवलपुर होटल व्यवसायी संघका अध्यक्ष सन्तोष राना मगर, देबचुली होटल व्यवसायी संघका अध्यक्ष लक्ष्मण चापागाईं, मुकुन्दसेन मौलाकालिका होटल व्यवसायी संघका निबर्तमान अध्यक्ष देबी प्रसाद पौडेल लगायतको सहभागिता रहेको थियो । यस कार्यक्रम तथा खानपानको संयोजन होटल गंगोत्री प्रा. ली.का प्रबन्ध निर्देशक सन्ध्यालक्ष्मी चुकेले गर्नु भएको थियो ।