अमर ज्योति पुर्व विद्यार्थी समाज चितवनको संयोजकमा कृष्णहरि तिमल्सेना चयन

---

भरतपुर/श्री अमर ज्योति जनता माध्यमिक विद्यालय लुईटेल गोरखामा अध्यायन गर्नु भई चितवन र आसपासका क्षेत्रमा रहनुहुने पुर्व विद्यार्थीहरुको शनिबार भरतपुर स्थित नारायणी नमुना माविमा सम्पन्न भेलाले कृष्णहरि तिमल्सेनाको संयोजकत्वमा अमरज्योति पुर्व विद्यार्थी समाज चितवनको तदर्थ समिति गठन गरेको छ । तदर्थ समितिको सहसंयोजकमा प्रकाश देवकोटा, सचिवमा सुरेश धिताल, सदस्यहरूमा प्रकाश तिवारी, सुरेश लामिछाने, लुकुश धिताल, सुमित्रा गैरे, शुभद्रा बोगटी, सुमित्रा देवकोटा, सञ्जय श्रेष्ठ, अर्जुन मरहट्टा चयन हुनु भएको छ ।
यसैगरी भेलाले सल्लाहकामा डा. इश्वरी प्रसाद (आइपी) ढकाल, सिताराम खकुराल, ई. भोजराज कौडाल, अर्बिन्द धिताल, रामशरण दुवडी चयन गरेको छ । कार्यक्रमा अमरज्योति पुर्व विद्यार्थी समाजका केन्द्रिय अध्यक्ष कृष्ण प्रसाद देवकोटा, उपाध्यक्ष माधव देवकोटा, सचिव विनोद देवकोटा, सदस्य रामशरण आचार्यको विशेष उपस्थिती रहेको थियो । उक्त भेलाले विद्यालयको सर्वाङ्गिण विकास र पुर्व विद्यार्थीहरुमा पारिवारिक एवं भावनात्मक सम्वन्ध विकास गर्ने उदेश्यले अमर ज्योति पुर्व विद्यार्थी समाज चितवन शाखा गठन गरिएको हो ।