२२ जेष्ठ २०८३, शुक्रबार २१:४०
भरतपुर/नेपाल नेत्रज्योति संघ चितवनद्धारा संचालित भरतपुर आँखा अस्पतालले आफ्नो वार्षिक कार्यक्रमको विषयमा शनिबार भरतपुर २ क्षेत्रपुर स्थित दियालो फुडल्याण्डमा समिक्षा गरेको छ । अस्पतालले सेवा फाण्डेसनको आर्थिक सहयोगमा आ.व. २०८२/०८३ मा संचालन गरेको बाह्य कार्यक्रम तथा अस्पतालवाट प्रदान गरिएको आँखा उपचार सेवाको डिष्ट्रिक प्रोजेक्ट एड्भाइजरी कमिटिको समिक्षा बैठक कार्यक्रमको विषयमा समिक्षा गरेको हो ।
भरतपुर आँखा अस्पताल व्यवस्थापन समितिका उपाध्यक्ष तेजेन्द्र बहादुर खड्काको अध्यक्षतामा सम्पन्न कार्यक्रममा जिल्ला समन्वय समिति चितवनका प्रमुख नारायण प्रसाद अधिकारी प्रमुख अतिथि रहनु भएको थियो । कार्यक्रममा बोल्दै प्रमुख अतिथि अधिकारीले भरतपुर आँखा अस्पतालले मानवीय सेवाको काम गरिरहेको वताउँदै अस्पतालको सेवामा गुणस्तर विकास गर्दै क्षेत्र विस्तार गर्नुपर्नेमा जोड दिनु भयो ।
कार्यक्रममा भरतपुर आँखा अस्पताल अन्तरगतका विभिन्न आँखा उपचार केन्द्र र विभिन्न पालिकाका स्वास्थ्य शाखाका प्रमुख एवं प्रतिनिधिहरुको सहभागिता रहेको थियो । कार्यक्रममा सहभागिहरुको चालु आर्थिक वर्षमा भएका कमको समिक्षा र आगामी आ.व.मा गर्नुपर्ने काम तथा कामका दौरानमा भएको समस्याको वारेमा जानकारी गराउनु भएको थियो ।
सहभागिको जिज्ञासाका विषयमा भरतपुर आँखा अस्पतालका उपाध्यक्ष तेजेन्द्र बहादुर खड्का, निवर्तमान अध्यक्ष कृष्णराज धरेल, वरिष्ठ अस्पताल प्रशासक दयाशंकर चौधरी, बाह्य कार्यक्रम संयोजक रमेश घिमिरे लगायतले प्रष्ट पार्नु भएको थियो । कार्यक्रममा भरतपुर आँखा अस्पतालका चिफ मेडिकल डाइरेक्टर डा. पुष्पा गिरी, आँखा बैंक कोअडिनेटर छायाँ श्रेष्ठ, लगायत अस्पतालका चिकित्सक तथा कर्मचारीहरुको समेत सहभागिता रहेको थियो ।
प्रतिकृया दिनुहोस्