१४ असार २०८२, शनिबार २०:२३
सन्तोष देवकोटा
भरतपुर/विभिन्न पेशा व्यवसायमा क्रियाशिल युवा व्यवसायीहरुको संस्था ईजीखोज बिजनेश ग्रुपको आयोजनामा शनिबार भरतपुर स्थित होटल शुभम् एण्ड हस्पिटालिटीमा कर अभिमुखिकरण कार्यक्रम सम्पन्न भएको छ । ईजीखोज बिजनेश ग्रुपका चितवन जिल्ला अध्यक्ष रबीन्द्र पन्थिको अध्यक्षतामा सम्पन्न कार्यक्रमा आन्तरिक राजश्व कार्यालय चितवनका प्रमुख पुण्य बिक्रम खड्का प्रमुख अतिथि रहनु भएको थियो ।
कार्यक्रममा बोल्दै प्रमुख अतिथि खड्काले व्यवसायिहरुको सर्वाङ्गिण विकासमा आन्तरिक राजश्व कर्यालय प्रतिवद्ध रहेको वताउँदै कुनै पनि मुलुकको आर्थिक समृद्धिको लागि उद्योगी व्यवसायीहरु समृद्ध हनु आवश्यक रहेको वताउनु भयो । आ.व. २०८२/०८३ को बजेटले प्यान तथा भ्याटमा दर्ता भएका व्यवसायीहरुलाई हर्जना लगायतका विषयमा विभिन्न किसिमका छुटको व्यवस्था गरेको वताउँदै खड्काले छुटको उपभोग गर्न आग्रह गर्नु भयो । साथै उहाँले यस्ता किसिमका कर अभिमुखिकरण कार्यक्रम मार्फत आन्तरिक राजश्व कार्यालय भरतपुरले ननफाईलर घटाउने योजना बनाएको वताउनु भयो ।
कार्यक्रमका विशेष अतिथि चितवन उद्योग वाणिज्य संघका बरिष्ठ उपाध्यक्ष चिरन्जीवि सुवेदीले आफ्नो व्यवसायको कारोवारको विषयमा संचालकले चासो राख्नु पर्ने वताउँदै कतिपय उद्योगी व्यवसायीले कर सम्बन्धि विषय जानकारी नहुँदा विभिन्न किसिमका हर्जना तिर्न वाध्य भएको वताउनु भयो । कर सम्बन्धि अभिमुखिकरणको लागि चितवन उवासंघ आवश्यक सहकार्य गर्न तयार रहेको प्रतिवद्धता व्यक्त गर्नु भयो ।
ईजीखोज नारायणी ग्रुपका अध्यक्ष तथा कर अभिमुखिकरण कार्यक्रमका संयोजक श्रीकृष्ण लम्सालले जसको लेखा मिलेको छ, उसको व्यापार टिकेको छ, सफा लेखा राखौं, व्यवसाय बलियो बनाऔं भन्ने नारा सहित स्वागत मन्तव्य व्यक्त गर्नु भएको थियो । ईजीखोज विजनेश ग्रुप फरक–फरक प्रकृतिका व्यवसाय गर्ने व्यवसायीहरु एक आपसमा एकजुट हुँदै व्यवसायको विकास एवं प्रवद्र्धन गर्ने उदेश्यले स्थापना भएको व्यवसायिक संस्था भएको वताउँदै कार्यक्रम संयोजक लम्सालले उक्त कर अभिमुखिकरण कार्यक्रमले ईजीखोज बिजनेश ग्रुपमा आवद्ध व्यवसायीहरुलाई लेखा राख्ने कुरामा सहयोग पुग्ने अपेक्षा व्यक्त गर्नु भयो । कार्यक्रममा बोल्दै ईजीखोज नारायणी ग्रुपका सस्थापक अध्यक्ष सागर महतोले ईजीखोज विजनेश ग्रुपको बारेमा जानकारी गराउँदै यसमा आवद्ध हुँदाका फाईदाहरुको बारेमा वताउनु भएको थियो ।
इजीखोज सगरमाथा ग्रुपका उपाध्यक्ष हरिराज पोख्रेलले संचालन गर्नु भएको उक्त कार्यक्रममा नेपाल अडिटर एशोसिएसन अडानका केन्द्रिय सदस्य प्रदिपराज ओस्ती, सि.ए. नारायण कँडेलले कर सम्बन्धि प्रशिक्षण दिनु भएको थियो । कार्यक्रममा ईजीखोज सगरमाथा ग्रुपका अध्यक्ष पुजन कोइराला, राईनो ग्रुपका संयोजक रविन्द्र रेग्मी, सगरमाथा ग्रुपका पुर्व अध्यक्ष जनक खड्का, निवर्तमान अध्यक्ष मेघनाथ बराल, नारायणी ग्रुपका निवर्तमान अध्यक्ष गोविन्द बस्नेतलगायत ईजीखोज विजनेश ग्रुपमा आवद्ध व्यवसायीहरुको सहभागिता रहेको थियो ।
प्रतिकृया दिनुहोस्