राप्ती नदी तटीय क्षेत्र सरसफाई अभियानको आयोजनामा चित्रकला प्रतियोगिता सम्पन्न

---

भरतपुर/राप्ती नदी तटीय क्षेत्र सरसफाई अभियान चितवनको आयोजनामा बिश्व बाघ दिवसको अवसरमा मंगलबार चित्रकला प्रतियोगिता सम्पन्न भएको छ । संस्थाको कार्यालय भरतपुर २२ पट्लहरामा मंगलबार आयोजित सो कार्यक्रममा १८ जनाले सहभागिता जनाएका थिए । सहभागिहरुले पाटेबाघको तस्वीर कोरेका थिए । जसमा वियस थापा प्रथम, शिरिषा महतो द्धितीय, रोनाष्ट बेलबासे र युनिक सुवेदी तृतीय भएका थिए ।
संरक्षणकर्मी अपिल घिमिरेले बिजेता लाई पुरस्कार प्रदान गर्दै बाघको महत्व बारे जानकारी गराउनु भएको थियो । संस्थाले हरेक संरक्षण दिवसहरुलाई समुदायका उपभोक्ताहरु र बालबालिका माझ गर्ने गरेको घिमिरेले बताउनु भयो । संरक्षणका गतिबिधि र सचेतना कार्यक्रम तल्लो तहमा प्रभावकारी बनाउन सके मात्र परिणाम प्राप्त र दिगो हुने उहाँको भनाई छ ।