११ भाद्र २०८२, बुधबार २१:२०
भरतपुर/नेपाल जर्नी संस्थाले बुधबार नारायणगढ स्थित मानवसेवा आश्रममा आश्रीतहरुलाई भोजन गराएको छ । नेपाल जर्नी सस्था यु.ए.सए.का संस्थापक अध्यक्ष एवं नेपाल जर्नी संस्था नेपालका संरक्षक मौसमी श्रेष्ठको जन्मदिनको अवसरमा बुधबार मानवसेवा आश्रममा आश्रीतहरुलाई भोजन गराईएको हो ।
नेपाल जर्नी संस्थाका अध्यक्ष श्रीराम गिरीको अध्यक्षतामा सम्पन्न कार्यक्रममा संस्थाका सल्लाहकार एवं भरतपुर ७ का वडाध्यक्ष राजेन्द्रमणि काफ्ले प्रमुख अतिथि रहनु भएको थियो । कार्यक्रममा बोल्दै प्रमुख अतिथि काफ्लेले आफ्नो जन्मदिनको आवसरमा मानवसेवा आश्रममा भोजन सौजन्य गर्नु निकै सराहनीय काम भएको वताउँदै भोजन सहयोग गर्नुहुने मौसमी श्रेष्ठ प्रति धान्यवाद व्यक्त गर्नु भयो ।
साहारा विहिन यस्ता मानिसहरुलाई सहयोग गर्नु पुण्यको काम भएको वताउँदै उहाँले यस्ता कामलाई निरन्तरता दिनु पर्नैमा जोड दिनु भयो । कार्यक्रममा नेपाल जर्नी संस्थाका वरिष्ठ उपाध्यक्ष तेज नारायण खरेल, उपाध्यक्ष नारायण प्रसाद सापकोटा, सचिव राजेश श्रेष्ठ, कोषाध्यक्ष योगिता पिया, सहसचिव युवराज पाण्डे, सदस्यहरु यशोदा श्रेष्ठ, सविता राजभण्डारी, सल्लाहकार राजेन्द्र कँडेल, कृष्ण शर्मा गैरे लगायतको सहभागिता रहेको थियो ।
प्रतिकृया दिनुहोस्