९ आश्विन २०८३, शुक्रबार १८:१३
भरतपुर/नेपाली कांग्रेसको १५ औँ महाधिवेशन अन्तर्गत चितवन क्षेत्र नम्बर ३ बाट खस आर्यतर्फ महाधिवेशन प्रतिनिधिमा गणेश पौडेलले उम्मेदवारी दिएका छन् । भरतपुर महानगरपालिका–१५ निवासी पौडेल विद्यार्थी जीवनदेखि नै राजनीतिक तथा सामाजिक गतिविधिमा सक्रिय रहँदै आएका युवा हुन् । विद्यार्थी जीवनबाट राजनीतिक यात्रा सुरु गरेका पौडेलले पार्टीका विभिन्न गतिविधिमा सक्रिय सहभागिता जनाउँदै आएका छन् । राजनीतिक गतिविधिसँगै सामाजिक क्षेत्रमा समेत सक्रिय रहँदै आएका पौडेलले युवा पुस्ताको सहभागिता र नेतृत्व विकासलाई विशेष प्राथमिकता दिँदै आफ्नो उम्मेदवारी अघि सारेका हुन् ।
बालकुमारी कलेजको स्बबियु सहसचिब, ने बि सघ सभापति, स्बबियु सभापती, जिल्ला सदस्य, बिभिन्न आन्दोलन मा सहभागि घाईते २०६५ सालको स्बबियु सभापतिको उमेदवार काग्रेस चितवनले आयो जना गरेको ज्ञानेद्र शाहाको प्रतिगमन बिरुद्धको रिले अनसनमा सहभागि पौडेलले नेपाली कांग्रेसलाई अझै बलियो, व्यवस्थित र युवामैत्री संगठनका रूपमा अघि बढाउन युवा पुस्ताको सक्रिय सहभागिता आवश्यक रहेको बताएका छन् । युवाका आवाज पार्टीको नीति निर्माण र निर्णय प्रक्रियामा प्रभावकारी रूपमा पुग्नुपर्ने उनको धारणा छ । महाधिवेशन प्रतिनिधिका रूपमा निर्वाचित भएमा युवाका मुद्दा, सामाजिक विकास, संगठन सुदृढीकरण तथा कार्यकर्ताका सवाललाई प्राथमिकताका साथ उठाउने पौडेलले बताएका छन् । पार्टीभित्र नयाँ पुस्तालाई अवसर दिँदै अनुभवी नेतृत्व र युवाबीचको समन्वयबाट संगठनलाई थप मजबुत बनाउन आफूले भूमिका खेल्ने उनको भनाइ छ ।
आफ्नो उम्मेदवारीका क्रममा पौडेलले चितवन क्षेत्र नम्बर ३ का सम्पूर्ण क्षेत्रीय प्रतिनिधि, अग्रज नेता, कार्यकर्ता तथा शुभेच्छुकहरूलाई आफूलाई समर्थन गरी विजयी गराउन आग्रह गरेका छन् । उनले आफ्नो उम्मेदवारी व्यक्तिगत पदका लागि मात्र नभई युवाको प्रतिनिधित्व र पार्टी संगठनलाई थप सुदृढ बनाउने उद्देश्यले रहेको बताएका छन् । पौडेलले भनेका छन्, “युवाको आवाजलाई पार्टीको नीति निर्माण र निर्णय प्रक्रियामा प्रभावकारी रूपमा स्थापित गर्न तपाईंहरूको साथ, सहयोग र मतको आवश्यकता छ। त्यसैले चितवन क्षेत्र नम्बर ३ बाट खस आर्यतर्फ महाधिवेशन प्रतिनिधिमा मेरो उम्मेदवारीलाई समर्थन गरी विजयी गराइदिन सम्पूर्ण क्षेत्रीय प्रतिनिधिज्यूहरूमा हार्दिक अनुरोध गर्दछु ।”
उनले आफूलाई प्राप्त हुने जिम्मेवारीलाई इमानदारी, सक्रियता र जिम्मेवारीपूर्वक निर्वाह गर्ने प्रतिबद्धता समेत व्यक्त गरेका छन् । विद्यार्थी जीवनबाट सुरु भएको आफ्नो राजनीतिक यात्रालाई निरन्तरता दिँदै आगामी दिनमा पनि राजनीति र सामाजिक सेवामार्फत जनताको पक्षमा काम गर्ने पौडेलले बताएका छन् । चितवन कांग्रेसको १५ औँ महाधिवेशन अन्तर्गत प्रतिनिधि छनोटको प्रक्रिया अघि बढिरहेका बेला क्षेत्र नम्बर ३ बाट खस आर्यतर्फ पौडेलको उम्मेदवारीले युवा सहभागिताको विषयलाई समेत चर्चामा ल्याएको छ । “युवा पुस्ताको आवाज, संगठनको सुदृढीकरण र सामाजिक सेवाका लागि गणेश पौडेललाई मत दिऔँ, विजयी गराऔँ ।”
प्रतिकृया दिनुहोस्