५ भाद्र २०८३, शुक्रबार ०८:१५
भरतपुर/व्यवसायिक ज्ञान, आधुनिक प्रविधि तथा सहकारी क्षेत्रका अनुभव आदान–प्रदान गर्ने उद्देश्यले सुनचाँदी बचत तथा ऋण सहकारी संस्था लिमिटेड, चितवनको ४७ सदस्यीय टोली ७ दिने चीन भ्रमणमा छ । भ्रमण टोलीको नेतृत्व संस्थाका अध्यक्ष रुबिन रामुदामुले गर्नुभएको छ भने कार्यक्रमको संयोजन संस्थाका सचिव निलेनमान शाक्यले गर्नुभएको छ ।
भ्रमणको छैटौं दिन विहीबार चीनको ग्रेटवालमा भ्रमण टोली पुगेको छ । सो अवसरमा एक औपचारिक कार्यक्रमका विच भ्रमण कार्यक्रमका संयोजक निलेनमान शाक्यलाई भ्रमण टोलीका सदस्यहरुले मायाँको चिनो हस्तान्तरण गरेका थिए । भ्रमण फलदायी र उपलव्धिमुलक भएको भन्दै संयोजक शाक्यलाई धन्यवाद सहित मायाँको चिनो हस्तान्तरण गरिएको हो ।
संस्थाका अनुसार भ्रमणको मुख्य उद्देश्य चीनमा प्रयोग भइरहेका आधुनिक प्रविधि, सुनचाँदी व्यवसायका नवीन अभ्यास, सहकारी व्यवस्थापनका सफल मोडल तथा अन्तर्राष्ट्रिय बजारका सम्भावना र अवसरबारे अध्ययन तथा अवलोकन गर्नु हो। साथै भ्रमणका क्रममा सहकारी तथा व्यवसायिक क्षेत्रसँग सम्बन्धित अनुभव आदान–प्रदान गरी प्राप्त ज्ञान र सीपलाई संस्थाको दीर्घकालीन विकासमा उपयोग गर्ने लक्ष्य राखिएको छ । टोलीले चीनका प्रमुख पर्यटकीय तथा आर्थिक महत्वका सहर कुनमिङ, साङ्घाई र बेइजिङको भ्रमण गरेको छ ।
प्रतिकृया दिनुहोस्